難關總叫人難受，但只要跨過了，就是成長的養分。
嚴楚碧（Rabi）自少喜歡設計，一直想要向外闖。中五畢業後，為配合父母期望選讀酒店管理。讀了數個月，還是想追隨自己的想法。她笑說：「當一個人怕行返回頭路，就搵到方法。當時就諗唔可以衰俾屋企人睇。」於是邊教畫賺外快，邊考法國大學。
如願留學巴黎，沒想到在香港學過的法文不敷應用。上課、買餸、搞簽證、買保險……她唯有見步行步：「嗰時無 Google，所以我會拎埋字典、地圖出街。有時聽唔明，都要硬住頭皮叫人寫出嚟睇。」最初又因語言、文化差異而感覺孤獨難受，卻因想留在巴黎讀書而一一渡過。
畢業後，Rabi 本打算先在港工作儲錢，再回巴黎發展。正當她在廣告公司準備大展拳腳時，一年的情人節，竟遭遇車禍導致四肢傷殘。初聞噩耗，她有過尋死的念頭，幸轉念一想：「既然死唔去，就諗吓日後點生活啦。」
她勤力進行治療，雖然手臂慢慢能夠郁動，但數個月過去，終於還是得面對身體已永久傷殘，需靠輪椅代步的事實。有日坐在輪椅上仰望天空，突然被一片藍天白雲感動。「當刻想通咗，雖然我坐喺度，但我仲（擁）有好多嘢，我嘅知識仍然喺個腦度。開始慢慢接受呢件事，好似一場重生。」
身體狀況讓她不能回到原來的職場。然而，當時殘疾人士大多只能申請行政工作，收入大減之餘，還要花長時間出門，她不禁問：「係咪真係無得揀？」慶幸她選擇了堅持自己的專業，開始自立門戶在家工作。一手一腳建立設計品牌，現在還投身殘疾人士的平權工作。
「世界唔係得一條路行。」Rabi 相信，其實主流以外，還有很多其他選擇。而談及夢想，她說：「想做一定要做，一定要去追。諗吓唔做會唔會遺憾，寧願有遺憾定去追夢？我就唔想帶住遺憾過一世！」
適應期有時叫人沮喪，但請相信：關關難過關關過。
撰文：蒲 （@appleee.cheng）
圖片來源：受訪者提供（fb: @Rabi Yim 嚴楚碧 ig: @rabi_yim）
＿＿＿＿＿＿＿＿＿＿＿＿＿＿＿＿＿＿＿
活過不白過
Follow us on IG：https://bit.ly/2yjkquY
